मल्टिपर्पज आदर्श न्यू इंग्लिश स्कूल या प्रशालेची स्थापना जून १९५० मध्ये करण्यात आली. या प्रशालेची सुरुवात दि. १९ मार्च १९४० रोजी कर्मवीर जगदाळे (मामा) बार्शी यांच्या हस्ते करण्यात आली. शासनाच्या अनुदानातून प्रशालेची इमारत बांधण्यात आली असून, इयत्ता ८ वी ते ११ वीपर्यंत नवीन वर्ग सुरू करण्यात आले. यामुळे ग्रामीण भागातील विद्यार्थ्यांना शिक्षणाची संधी उपलब्ध झाली. तसेच विद्यार्थ्यांच्या राहण्याकरिता छत्रपती वसतिगृह चालू करण्यात आले.

सन २०२२-२३, २०२३-२४ आणि २०२४-२५ या वर्षांमध्ये प्रशालेमध्ये आर्थिक दुर्बल घटक योजना अंतर्गत शिष्यवृत्ती योजना राबविण्यात आली असून, दरवर्षी सुमारे १५ लाख रुपयांची शिष्यवृत्ती १०० विद्यार्थ्यांना देण्यात आली आहे.

प्रशालेमध्ये इयत्ता ५ वी ते १२ वी पर्यंतचे वर्ग चालविले जातात. तसेच ११ वी व १२ वी साठी कला, प्लेन सायन्स आणि क्रॉप सायन्स हे विभाग कार्यरत आहेत. या सर्व विभागांतून विद्यार्थ्यांचा सर्वांगीण विकास घडविण्यावर भर दिला जातो.